اللِّيَالْ وِالإنْتِظَارْ

اللَّيْل كَيْف تْخَالْفِهْ..؟

وَاهْلِهْ مِسَاجِيْن النَّهَارْ

مَرَّتْ عَلَيْه السَّالْفِهْ

يَوْم انْجِبَرْ فِيْه.. اخْتِيَارْ

اللَّى يِرُوْح يْوَالْفِهْ

وِالـــلَّى يِجِيْ مَا لِهْ مِطَارْ..!

كَنّ اللِّيَالِيْ حَالْفِهْ

تَفْرضْ عَلَيْنَا الإنْتِظَارْ

لا ارْوَيْت.. حِـلْــــــمٍ دَالْفِهْ

وْلا رِحْت.. وَاخْلَيْت الدِّيَارْ

مَا ادْرِيْ الْمِشَاعِرْ تَالْفِهْ

وِالاَّ تَعَدَّانِيْ الْقِطَارْ